Cliciwch yma i ddarllen adolygiad o'r dramâu. Cefndir y Cwmni
Cyfarfu'r awduron wrth ddilyn cwrs Sgriptio gyda'r hwyr ym Mhrifysgol Caerdydd dan arweiniad Dewi W. Williams yn ystod 2003 ac yn sgil hynny, sefydlwyd Cwmni Inc. Mae'r aelodau yn gweithio o ddydd i ddydd mewn amrywiol swyddi, o gyfieithwyr, cyhoeddwr a chynhyrchwyr trêls.
Pishyn 6 oedd cynhyrchiad cyntaf y cwmni. Dewi W. Willims a olygodd y sgriptiau, a chynghorodd yr actores a'r gyfarwyddwraig nodedig Valmai Jones y cwmni. Mae'r cwmni newydd yn falch i ddweud fod nifer o bobl profiadol eraill wedi eu cynorthwyo gyda'r cynhyrchiad.
Gan mai cwmni newydd ei sefydlu ydy Cwmni Inc., mae'r criw wedi gofyn am gymorth caredig sawl un a diolch i'r haelioni hwnnw i'r perfformiadau hyn gael eu llwyfannu.
Roedd enwogion o fyd y ddrama yn actio yn y dramâu, gan gynnwys Olwen Medi, Siwan Bowen Davies, Valmai Jones, Elin Wmffras, Dafydd Emyr, Sian Rivers, Meilir Sion, Dyfan Dwyfor, Catrin Wyn Jones, Jâms Thomas a Rhiannydd Wynne.
Roedd Sara Lloyd, Morgan Hopkins a Kristy Jones ymysg y cyfarwyddwyr a roedd technegwyr proffesiynol yn helpu hefyd.
Testunau'r dramâu
"Mae testunau'r dramâu yn amrywio'n fawr ond maent oll, yn eu ffordd eu hunain, yn canolbwyntio ar berthynas cariadon, ffrindiau neu deulu. Mae rhywbeth ynddynt i bawb - rhyw elfen y gallwn ni oll uniaethu â hi a rhyw deimlad sy'n cyffwrdd nerf ynom i gyd," meddai Lowri Roberts o Gwmni Inc.
Mae'r cwmni yn gobeithio mynd ati i sgwennu mwy o ddramâu yn y dyfodol.
Ìý
