主播大秀

Yn dilyn ei lwyddiant ar faes yr Eisteddfod Genedlaethol bydd yr Ymennydd Mwyaf yng Nghymru yn cael ei symud i'r Cynulliad Cenedlaethol yng Nghaerdydd.

"Ac, nid y chi fydd y cyntaf i ddweud bod digon o'i angen o yna," meddai Gruff Roberts pensaer yr ymennydd ac Ymgynghorydd Gwyddonol yr Eisteddfod Genedlaethol am y chwe blynedd diwethaf.

Yr ymennydd oedd canolbwynt arddangosfa Mr Roberts, sy'n ymddeol wedi'r Eisteddfod hon, yn y Babell Wyddoniaeth a Thechnoleg ar y maes.

Bydd yn cael ei symud i adeilad Y Senedd yng Nghaerdydd i dynnu sylw at sefydlu Sefydliad Gwybyddiaeth a Neuro Wyddorau Cymru sy'n gyfuniad o adrannau seicoleg prifysgolion Caerdydd, Bangor ac Abertawe a sefydliadau eraill.

"Bydd yn cael ei lansio yn Y Senedd ar Dachwedd 28 ac mi fydd yr ymennydd yn cael ei ddangos yno ar gyfer hynny. Yna bydd yn cael ei symud i Ysgol Seicoleg Bangor," meddai Mr Roberts.

Yn ystod cyfarfod ar y maes ddydd Gwener cyflwynwyd llyfrau i Mr Roberts gan Brif Weithredwr yr Eisteddfod, Elfed Roberts, yn arwydd o werthfawrogiad yr Eisteddfod i'w gyfraniad fel ymgynghorydd gwyddonol.

"Yn ystod ei gyfnod mae Guto wedi llwyddo i godi safon y babell Wyddoniaeth gydag arddangosfeydd trawiadol - o osod y planedau ar y to un flwyddyn i'r br锚n mwyaf yng Nghymru eleni," meddai.

Diolchodd Guto Roberts yntau am gefnogaeth yr Eisteddfod i wyddoniaeth.