SIOC!
Mae un o bapurau Llundain wedi sylwi ar wleidyddiaeth Cymru. Yn y mae Michael White yn dweud hyn;
"Not many people in England seem to care very much, but nationalist politics within the British (or is it Atlantic?) Isles take a significant step forward today when a politician called Ieuan Wyn Jones is appointed deputy first minister of Wales."
Wel efallai y byddai ots da pobol yn Lloegr pe bai Michael a'i debyg yn talu mwy o sylw neu yn cofio bod gan eu papurau ddarllenwyr yng Nghymru.
Un o'r rheiny sy'n gwybod fawr ddim am Gymru yw Arglwydd Glentoran llefarydd newydd y Ceidwadwyr ar Gymru yn Nhŷ’r Arglwyddi. Hwn, heb os, yw dyfyniad y dydd;
"As far as the politics of Wales is concerned, as of 48 hours ago I knew absolutely nothing. I now know nothing, plus a bit. I know nothing about the politics but I know quite a lot about the geography, having climbed most of the mountains."
Golygydd Materion Cymreig y Ö÷²¥´óÐã yn blogio'n rheolaidd ar faterion gwleidyddol Cymru.
SylwadauAnfon sylw
Mae geiriau Glentoran yn gyfystyr a llythyr o ymddiswyddiad. Dim ond un peth all ddigwydd nawr. Ar ol cyfaddefiad o'r fath rhaid i Toriaid
apwyntio rhywun arall yn ei le. Mae'r holl beth yn chwerthynllyd ac yn ergyd i hygrededd y Toriaid yng Nghymru. Druan a nhw - a ni'n meddwl fod agwedd y Toriaid at Gymru wedi newid.
Da iawn wir, mae Cymru wedi neud e i mewn i tudalenau un o'r "nationals". Na'r quota am eleni am wn i, cawn ni ddim mwy o son am "the principality" nawr am flwyddyn arall!
Arglwydd Glentoran llefarydd newydd y Ceidwadwyr ar Gymru yn Nhŷ’r Arglwyddi:
"As far as the politics of Wales is concerned, as of 48 hours ago I knew absolutely nothing. I now know nothing, plus a bit. I know nothing about the politics but I know quite a lot about the geography, having climbed most of the mountains."
Felly nid yw'r Blaid Geidwadol wedi newid DIM ers dyddiau Redwood !!
ti'n gwybod y peth difyra Vaughan? Sai'n becso be mae Llunden yn feddwl.
Mae gwleidyddiaeth Cymru mor wahanol bellach mae ar pace wahanol i Lundain. Mae Llundain yn bwysig siwr iawn, ond dyw'r pethe sy'n cael eu trafod yno ddim yn relefant i'n bywydau ni ar y cyfan. Gadwch iddyn nhw fyw eu breuddwyd o Brydain unedig c1955.
Erthygl dda yn y Glasgow Herald:
ffeindies i e ar y wefan wych yma:
Mae'r cenedlaetholwyr Cymreig, Albanaidd a Seisnig yn bwrw ymlaen gyda'u bywydau ... pa ots am Lundain?
Fel darllenwr ffyddlon or Guardian dwi'n falch iawn or cydnabyddiaeth yma dwi wedi sgwennu digon yn gofyn pam does na fyth newyddion o Gymru, yr Alban ar Iwerddon yn y papur. Hwyrach eu bod wedi sylweddoli fod yna ddarlenwyr tu allan i Islington!!
D. Enw.
Diolch am y ddolen. Pa ots am Lundain wir ?
Fel Guardianista pybyr arall, rhaid cytuno a thi Arfon.
Yr unig driniaeth ddeallus mae gwleidyddiaeth Cymru'n ei chael yw colofn Hywel Williams - a Thori ydi hwnnw (er difyred a huotled ei waith), sy'n ei gwneud hi'n hawdd i drigolion Islington barhau i gredu'r rwtsh y mae chattering Kim a'i debyg yn bwydo iddynt mai cenedlaetholdeb adain dde yw sail unrhyw ddeisyfiad dros fynegiant gwleidyddol o hunaniaeth Gymreig.
Dyna ni. Teimlo'n well rwan.
Mae'r blincin fuwch Siambo wedi cael mwy o sylw gan Radio 4 na holl etholiad ac oblygiadau cyfansoddiadol Cymru ar y DU.
Man a man i ni gael annibynniaeth, fydde'r Saeson ddim callach!