Anoracia
Mae hon yn un i'r anoraiaid! Mae ymdrech gan Peter Black i symud tuag at gynrychiolaeth gyfrannol yn y siambrau cyngor wedi methu.
Pleidleisiodd y Democratiaid Rhyddfrydol (am sioc!)a Phlaid Cymru o blaid gofyn am yr hawl i'r cynulliad newid system bleidleisio'r cynghorau. Gyda'r Ceidwadwyr yn ymatal roedd y canlyniad yn dibynnu'n llwyr ar bleidlais ddi-chwip yr aelodau Llafur. Yn y diwedd roedd deunaw aelod o blaid yr LCO ac un ar hugain yn erbyn.
O ystyried canlyniadau etholiadau lleol Mis Mai go brin y gellir cyhuddo'r aelodau Llafur o hunanoldeb! Mewn sawl ardal fe fyddai Llafur yn elwa o gyfundrefn gyfrannol. Mae'n debyg mai hiraeth am yr hen ddyddiau yw'r esboniad!
Golygydd Materion Cymreig y Ö÷²¥´óÐã yn blogio'n rheolaidd ar faterion gwleidyddol Cymru.
