 |
 Ar Lwyfan Byd
Codi llais dros Gymru
Ar Lwyfan Byd gan Alun Guy. Cyfres Cantorion o Fri. Gwasg Gomer.拢8.99.
Wrth ochr Ar Lwyfan Cymru y bydd y gyfrol hon yn gorffwys ar eich silff lyfrau.
Yn y gyfrol honno rhoddodd Alun Guy hanes Sh芒n Cothi, Trebor Edwards, John Eifion, Tom Gwanas, Dai Jones a Fflur Wyn.
Yn yr ail gyfrol, Ar Lwyfan Byd mae'n rhoi yr un sylw i chwech o gantorion a ddaeth i enwogrwydd byd-eang - gan gynnwys y seren ddiweddaraf yn y ffurfafen gerddorol Gymreig, Katherine Jenkins.
 Mae'r cychwyn a gafodd gyrfa y ferch ifanc ddymunol hon yn ymdebygu i sgript Hollywood.
Tri uchelgais
Yn barod, o fewn dwy flynedd, mae wedi cyflawni yn barod dri uchelgais a osododd iddi'i hun.
"Tri uchelgais oedd ganddi mewn bywyd . . .; canu yn Nh欧 Opera Sydney, canu yn Stadiwm y Mileniwm, Caerdydd, a chyrraedd brig y siartiau cerddoriaeth glasurol. Gwireddwyd ei dyheadau i gyd o fewn blwyddyn, bron!" meddai Alun Guy gan ychwanegu;
"Y gwir amdani yw fod gennym ni yng Nghymru artist gwych arall . . . yn y l么n gyflym sy'n prysur goncro'r byd cerdd yn y ganrif newydd hon."
Amhosib anghytuno ag ef pan ddywed: "Os bu eicon cerddorol fodern erioed yng Nghymru, wel dyma hi."
Ond mae Alun Guy yn tynnu ein sylw at y ffaith na ragwelodd pawb ddyfodol mor lewyrchus iddi:
"Fe fu Katherine yn cystadlu droeon yn Eisteddfodau'r Urdd . . . ond aeth hi ddim pellach na'r Eisteddfod Sir," meddai cyn holi, "Pwy tybed oedd y beirniad?"
Gallai yr un mor hawdd fod wedi holi beth ddaeth o'r rhai a'i curodd hefyd!
Canu gyda ch么r ei heglwys fu'r man cychwyn go iawn iddi a thrwy ei chysylltiad 芒'r eglwys y bu iddi feithrin ac arddangos yr hyn a eilw Alun Guy ei "thalent leisiol naturiol".
Gwerthu'n gyflym
Yn sicr mae'r llais hwnnw yn un y mae pobl yn gwirioni arno.
"Katherine," meddai Alun Guy, "yw'r gantores opera sy wedi gwerthu recordiau gyflymaf ers dyddiau Maria Callas - yn gyflymach hyd yn oed na s锚r operatig fel Lesley Garrett, Kiri Te Kanawa ac Angela Gheorghiu," meddai.
Ac, wrth gwrs dim ond megis cychwyn mae ei gyrfa.
Mae'r cantorion eraill yr adroddir eu hanes yn y llyfr - Bryn Terfel, Stuart Burrows, Rebecca Evans, Gwyn Hughes Jones a Rhys Meirion - wedi hen ymsefydlu - yn wir, yn achos Stuart Burrows mae'r yrfa wedi ei chwblhau a'r llwyddiannau wedi eu sylweddoli gan y "tenor Mozartaidd gorau ei gyfnod" a wnaeth Covent Garden "bron yn ail gartref iddo'i hun."
Mewn ysbyty
Mae'n gyd-ddigwyddiad difyr fod y ddwy ferch yn y gyfrol, Katherine Jenkins a Rebecca Evans, a'u gwreiddiau yn yr un ardal gyda'r naill o Gastell-nedd a Rebecca o Bontrhydyfen ger Port Talbot - cynefin y bariton, Ivor Emmanuel, a'r actor, Richard Burton.
Yn wahanol i'r holl gantorion eraill yn y gyfrol does dim cysylltiad o gwbl 芒'r eisteddfod yn hanes Rebecca .
Yn yr ysgol, gyrfa mewn meddygaeth oedd ei huchelgais hi ac mewn theatr dra gwahanol i'r rhai cerdd yr oedd i ddisgleirio cymaint ynddynt maes o law y bu'n gweithio.
Ond tra'n gwasanaethu mewn theatr ysbyty yr oedd hefyd yn mwynhau canu amatur fin nos a thros y penwythnosau.
Wedyn y trodd y canu hwnnw yn yrfa broffesiynol a hithau erbyn hyn yn "cael ei chyfrif ymysg sopranos Mozartaidd telynegol gorau'r byd, nid yn unig ar lwyfan opera ond hefyd ar lwyfannau cyngerdd," meddai Alun Guy.
"Bu'n perfformio mewn gwyliau rhyngwladol ym Melbourne, Awstralia, Boston, Indianapolis a Barcelona ac yn rhannu llwyfannau gydag arweinyddion enwoca'r byd," ychwanega.
Penderfyniad anodd
Y mae Rhys Meirion yn un arall a saethodd i enwogrwydd ar 么l newid gyrfa. Yr oedd yn athro ysgol cyn mynd yn fyfyriwr h欧n i'r Guildhall - penderfyniad anodd fel y dengys y gyfrol hon gan nad oedd y grantiau oedd ar gael ond ar gyfer myfyrwyr dan eu 30 oed.
Yn ffodus daeth S4C, er mawr glod i'r sianel, i'r adwy gan dalu ei ffioedd astudio am ddwy flynedd.
"Cafodd Rhys lety yn ystod yr wythnos mewn hostel YMCA yn Llundain gan ddychwelyd i Ruthun bob penwythnos," meddai Alun Guy.
Nid cronicliad moel o yrfaoedd sydd yn y llyfr. Mae'n cynnwys lluniau hefyd a sawl hanesyn difyr megis yr hanes am ymweliad Rhys Meirion 芒 masseur yn Hong Kong.
"Ar 么l agoriad digon addfwyn, yn sydyn, neidiodd y brawd ar ben coesau Rhys gan ei brocio'n galed yn ei gefn gyda'i benelin. Parhaodd hyn am awr, nes bod Rhys yn difaru'i enaid iddo fentro o fewn canllath i'r ffasiwn le.
"Ar derfyn yr awr . . .[roedd] . . .yn griddfan mewn poen."
Cryn debygrwydd
Mae cryn debygrwydd yng nghychwyn gyrfa Bryn Terfel a Gwyn Hughes Jones a hwythau yn gystadleuwyr brwd mewn eisteddfodau bach a mawr pan yn blant.
Yn nes ymlaen, gwelwyd Gwyn yn ennill 99 marc allan o 100 mewn cystadleuaeth yn Eisteddfod Cwm Rhymni 1990. Camp hynod.
Am holl gantorion y gyfrol hon dywed Alun Guy mai'r un peth sy'n eu huno ar lwyfan byd yw eu Cymreictod.
"Mae'r chwech ohonynt," meddai, "yn falch o arddel hynny ym mhedwar ban byd."
Ac y mae'n wefr i ninnau ymhyfrydu nid yn unig yn eu doniau ond yn y derbyniad a gant lle bynnag y byddont yn perfformio ac yn dyrchafu eu gwlad.
Gwybodaeth ar Gwales
Cysylltiadau Perthnasol
Ar lLwyfan Cymru
 |
Ychwanegwch eich sylwadau i'r dudalen fan hyn:
|
|
|
|
|
|  | |  | |  | |  | | |  S么n amdanynt
Rhestr o'r holl lyfrau sydd wedi cael sylw ar 主播大秀 Cymru'r Byd.
|
|
|
|  | |  | | |  Gair am air:
Detholiad o ddyfyniadau - ydych chi'n gwybod pwy yw'r awdur?
|
|
|
|
|
Llyfrau - gwefan newydd
Teulu L貌rd Bach
Petrograd
L么n Goed
Silff y llyfrau diweddar
Hanner Amser
Deryn Gl芒n i Ganu 
Awduron Cymru
Roger Boore
Nadolig a Rhagfyr 2008
Dolennau defnyddiol