Ö÷²¥´óÐã

Annette oedd yr unig siaradwraig Gymraeg yn nhîm Cymru y flwyddyn honno, a'r unig aelod o Geredigion. Roedd gweddill y merched yn dod o rannau eraill o dde Cymru, gan gynnwys Y Barri, Caerdydd, Castell-nedd ac Abertawe.

Er nad oedd Annette Davies wedi dangos diddordeb mewn chwarae sboncen tan ei bod yn ei hugeiniau cynnar, unwaith iddi ddechrau ymddiddori yn y gêm, doedd dim troi yn ôl. Enillodd bencampwriaeth Dyfed yn y 1980au, cyn cael y fraint o chwarae dros Gymru yn y 1990au, wrth deithio i Gaeredin, ac yna i Felfast fel rhan o dîm A Cymru.

Ers hynny mae Annette Davies wedi cynrychioli Cymru ar lefel y Meistri (Masters) mewn tîmau i ferched dros 35 oed, 40 oed a 45 oed.

Derbyniodd gyngor gwerthfawr gyda'i hyfforddwr Haydn Davies (cyn-gricedwr proffesiynol gyda Morgannwg.) Ef hefyd hyfforddodd Siân Johnson - sydd wedi bod ar frîg y gêm yng Nghymru.

Er bod Annette yn bwriadu parhau i chwarae Sboncen mor hir â phosib, mae hi hefyd yn hyfforddi eraill i chwarae'r gêm, ac mae diddordeb y fam i'w weld yn ei phlant hefyd - mae Berian, Dyfed a Nia yn ymddiddori yn y gêm, ac yn cystadlu mewn twrnamentau.

"Mae chware sboncen wedi bod yn gyfle ardderchog er mwyn teithio ac ymweld ag ardaloedd a dinasoedd na fyddem wedi meddwl mynd iddynt fel arfer" meddai Annette Davies, sydd wedi cwblhau gradd o Brifysgol Llambed ac yn gobeithio mynd yn ôl i ddysgu yn llawn amser.

"Mae'r profiad hefyd wedi rhoi cyfle i mi gwrdd a chymdeithasu, a gwneud ffrindiau da gyda chwareuwyr sboncen eraill.

"Mae wedi bod yn fraint ac yn glôd i chware dros fy ngwlad, ac mae'n deimlad pleserus ar ôl yr holl waith caled o ymarfer sydd wedi ei wneud cyn cyrraedd y nôd. Rhaid cofio hefyd, heb gymorth Geraint a'r plant ni fyddem wedi gallu chware hyd at y safon yma."

Annette Davies
Mai 2005