Ö÷²¥´óÐã

Gig yng Nghlwb Rygbi Llanymddyfri

3 EBRILL - Cwis yng Nghlwb Golff y Garnant

4 EBRILL - Noson o Chwaraeon ym Mro Teifi

5 EBRILL - Perfformiad Theatr Ieuenctid Menter Cwm Gwendraeth

6 EBRILL - Twmpath ac arddangosfa dawnsio gwerin yn neuadd Ysgol Griffith Jones, San Clêr.

7 EBRILL - Cyngerdd yn Theatr y Lyric, Caerfyrddin gyda Tudur Dylan yn cyflwyno Band Prês a Chôr Ieuenctid y Sir, y Teulu Singh, Dawnswyr Hafodwennog a Dawnswyr Penrhyd. Yn ystod y gyngerdd, cyflwynir y Rhestr Testunau gan Tom Dafis, Cadeirydd y Pwyllgor Gwaith.

8 EBRILL - Jambori a Gorymdaith trwy ganol tref Caerfyrddin. Gig gyda Frizbee, Mattoidz, Coda, Tangwystl a Celsain yn Neuadd San Pedr.

9 EBRILL - Cymanfa Ganu yng Nghapel Als, Llanelli dan arweiniad Meinir Richards gyda Christpher Davies yn cyfeilio. Bydd eitemau gan Gôr Meibion Llanelli, Côr Ysgol y Strade a Chôr Ysgol Dewi Sant Llanelli.

Sulwyn ar grwydr
Yn ystod wythnos Gŵyl Cyhoeddi Eisteddfod yr Urdd, ar ddechrau mis Ebrill, bydd Sulwyn Thomas ar grwydr drwy'r Sir gyda fan llawn nwyddau Eisteddfod 2007 - felly cadwch lygad barcud amdano.

"Dyma gyfle gwych i hyrwyddo'r Eisteddfod gan godi arian i'r Pwyllgorau Apêl lleol ar yr un pryd," medd Sulwyn. "Y bwriad yw dilyn llwybr dathliadau'r Ŵyl Gyhoeddi o gwmpas y Sir yn ystod y dydd gan alw mewn ambell ysgol ag ati ar y ffordd.

"Felly byddaf i a'r fan yn ymweld â threfi a phentrefi Dyffryn Aman ar ddydd Llun Ebrill 3ydd, yn symud i Ddyffryn Teifi drannoeth ac i Gwm Gwendraeth ar ddydd Mercher Ebrill 5ed. Erbyn dydd Iau, bydd y daith wedi cyrraedd ardal Dyffryn Tâf ac fe fyddwn yn ymweld â Llanelli ar ddydd Gwener y 7fed cyn gorffen y daith yng Nghaerfyrddin ar ddydd Sadwrn Ebrill 8fed."

Os oes gennych syniadau am leoliadau arbennig i Sulwyn ymweld â nhw, mynnwch air â Chadeirydd eich Pwyllgor Apêl lleol neu cyslltwch â Sulwyn ar 01267 235385 neu 07778 435765.