Cerddi Rownd 1
Trydargerdd: Cyfaddefiad
Beirdd Myrddin
Cyfansoddiad menyw,
Peth gwyrthiol a rhyfedd yw,
Tra bod hi â ‘bach o annwyd’,
Rwyf innau'n glaf â'r ffliw.
Bryan Stephens - 8
Y Derwyddon
Rwy'n Gymro mor frwd ar fy nhaith,
a chredaf mewn gwarchod Yr Iaith,
Ond paf af i gaffi,
i'r banc neu d欧 cyri,
yn Saesneg rwy’n holi - ‘na’r ffaith!
Siw Jones - 8
Cwpled caeth yn cynnwys y gair ‘mwg’ neu ‘m岷乬’
Beirdd Myrddin
Y m岷乬 â'i 'Yma o Hyd':
Myn edliw imi'n wawdlyd.
Aled Evans – 8 (Ann Lewis)
Y Derwyddon
O gelu’th dân o’r golwg,
anodd fydd cuddio ei fwg.
Meirion Jones -8
Limrig yn cynnwys y llinell ‘Mae’n bwysig eich bod chi’n ymchwilio’
Beirdd Myrddin
Mae’n bwysig eich bod chi’n ymchwilio
Am ffyrdd a all atal epilio.
Y gorau o’r rhain?
Llenwi’i bants gyda chwain
A ffugio pen tost cyn noswylio.
Ann Lewis – 8.5
Y Derwyddon
Mae’n bwysig eich bod chi’n ymchwilio
rhag ofn i’r “sales rep” yna’ch twyllo,
mae’r ffenestri’n rhai clwc,
ac mae’r boi yn rîl crwc,
ond trwy lwc fe welais i trwyddo.
Meirion Jones– 8.5
Cywydd (heb fod dros 12 o linellau): Trysor
Beirdd Myrddin
Yn swp yng nghefn y cwpwrdd
ysa Gwyn am w欧s i gwrdd,
â'i wên gam yn dwyn i 'go
fynyddoedd fy heneiddio.
Ac oerni'n gaddug arnaf
daw'r pwythau brau â gwres braf;
o'i fwytho, daw cyffro cudd
yn wanwyn o lawenydd.
Â'n hysu'n un am ennyd ...
am oes o atgofion mud,
minnau'n iau'n ei gwmni o,
gwefr ddoe'n gyfaredd heno.
Lowri Lloyd – 8.5
Y Derwyddon
Yn ei chof roedd ei chyfoeth:
Caem wlanen yn garthen goeth,
A ffynnai ei gorffennol
Yn gwilt mor lliwgar ar gôl.
Hanesyn pob achlysur
Oedd dwt mewn edafedd dur
Yn addas i’w gwehyddu
Yn gain o enau mam-gu.
Ond creu twyll o hen rwyllau
Wnaeth gwyfyn i’r brethyn brau
A nawr, does ond celwydd noeth
Yn ei chof lle bu’i chyfoeth.
Elin Meek -9
Pennill ymson mewn gêm ryngwladol
Beirdd Myrddin
Cerddaf yn falwen flinedig
i bob sgrym, a sgarmes a maul
cyn clywed Gatland yn gweiddi
'Mae saithdeg naw munud ar ôl'.
Garmon Dyfri – 8.5
Y Derwyddon
Gêm Rygbi, Cymru v Seland Newydd
‘Rwy’n disgwyl ers blynyddoedd
i weld diweddu’r loes,
a gweled Cymru’n ennill
am unwaith yn fy oes.
Mae gennym y chwaraewyr,
mae gennym ddoniau lu,
na drueni n’allwn newid
y crys o goch i ddu.
Meirion Jones - 8
Cân ysgafn (heb fod dros 20 o linellau a heb fod yn soned): Y Casgliad
Beirdd Myrddin
‘Ga'i nôl y bocs o gwpwrdd y gegin
Cewch roi’r stori unwaith eto datcu
Am y geriach chi ‘di hel ers fy ngeni
Fydd rhywbryd yn waddol i fi …’
Mae ynddo docynnau o’r Strade
A’r llyfryn o nodau clust wyn
Llofnod Tom Pryce yn ei Shadow
A darn o Mount Etna ‘di ddwyn.
Ac yn llechu ymysg y trysorau
O’r Talwrn, ambell bennill bach ffraeth,
Dau wyth ac un wyth a hanner
(Cafodd llawer un naw am rai gwaeth.)
Ac i lygaid yr 诺yr daeth un deigryn
Ac mewn llais oedd grynedig a tha’r,
Meddai, ‘Rhowch un cynnig arall
Cyn rhoi’r pensil am byth yn y drar.’
Felly dof ger eich bron unwaith eto
Ac mewn gobaith, os nad wyf mewn ffydd,
Caf gau’r clawr ar y casgliad; bydd gyflawn
Pan ddaw’r deg marc chwedlonol .. ryw ddydd.
Bryan Stephens - 9
Y Derwyddon
Os ych chi ngwlad y Cardis – bob amser rhaid osgoi
cyhoeddi bod na gasgliad cyn bo nhw gyd yn ffoi!
Os digwydd ca nhw’i dala, a rheini’n rhai mor dynn,
fe ddo nhw mas o’r picil – fel y tri o Synnod Inn
a ath am wylie tawel – am wthnos neno’r tad!!
i yfed d诺r Llanwrtyd, chi’n gweld – ma hwnnw’n rhad!
A’r tri hen ffarmwr yno; i’r Capel fore Sul
heb gofio dim fod casgliad yn nhrefn y llwybr cul.
Ac yna cyn y bregeth, cyhoeddwyd apêl – do!
a chasgliad go arbennig tuag at ail godi’r to.
Yn sydyn bu cythrwfwl – roedd un o’r tri ‘ny bac
heb esgus, wedi ffeinto, a’th pawb yn etha crac!
Doedd dim amdani wedyn, ar ôl ei bwl bach cas
ond i’r ddau ffrind caredig i gario’r Cardi mas.
Pan ddath e rownd mhen amser, diolchodd ef i’w Dduw
fod casgliad y to drosodd, ac ynte’n dal yn fyw!
Mae’n rhyfedd shwt ma’ gweithred yn gwir ypseto rhai,
i’r Cardis yn Llanwrtyd – Y CASGLIAD gath y bai.
Peter Hughes Griffiths - 8.5
Llinell ar y pryd: Da o beth o hyd yw bod
Beirdd Myrddin
Da o beth o hyd yw bod
Un ‘n’ yn enw Synod
0.5
Y Derwyddon
Da o beth o hyd yw bod
Yn onest wrth feirynod
Telyneg (heb fod dros 18 llinell): Encilio
Encilio
Rho i'm iaith yr oriau mân,
ennyd i mi fy hunan
i rifo awr arafach
a dal byd yn dawel bach.
Rho i'm awr mewn storm eira
a thro'r haul yn llethrau ia,
i gau y gwynt yn ei gell
a gollwng llafn ei gyllell.
Rho i'm oed wrth donnau'r môr,
rho ras i mi yn drysor.
Ga'i orig heb s诺n geiriau,
dim ond cydio dwylo dau.
A ga'i ffoi o olwg ffin,
a heria daith pererin,
a byw heb ôl yn y byd
na hanes am un funud.
Aled Evans - 9
Y Derwyddon
Ar goll yn y tân
Gwylio’r mwg yn newid gwawl y lleuad
yn troelli ar ei ffordd i dagu’r sêr,
fflamau’r tân yn cynnal dawns y chwaliad,
colsynnau coch fel minlliw, brysiog, blêr;
Cym’ryd cam yn nes i dwymo’r dwylo
a benthyg gwres ei olau rhag y nos,
edrych ar y gwreichion yn taflunio
eu patrwm poeth, yn loyw dros y rhos.
Droriau glan bu’n cadw starts y Saboth
mewn crysau gwyn dilychwyn fesul un,
lludw nawr - yn ulw tan yr ysgoth,
ysglyfaeth bore bach i’r awel blin.
A heno daw rhyw wewyr drosof i
wrth losgi cwpwrdd dillad hen famgu.
Emlyn Dole – 9.5
Englyn: Recordiad
Beirdd Myrddin
Ace of Spades (bu farw Fast Eddie Clarke ar 10 Ionawr eleni, yr olaf o leinyp clasurol Motorhead)
Lemmy, clyw'r dôn gyflymaf a'i rhyddm
yn dadwreiddio'r gaeaf,
a gwêl un, ac yntau'n glaf,
yn delio'r cardiau olaf.
Aled Evans
Y Derwyddon – 9.5
Recordiad (David Lloyd yn canu ‘Elen Fwyn’)
Mae’i lais fel sidan amdanaf – a’r dôn
mor daer fel dychmygaf
nad cân, ond ei gusan gaf:
Anwes i’w Elen fwynaf.
Elin Meek – 9.5
