Ö÷²¥´óÐã

Mae merch ifanc o Sanclêr, sef Elin Wyn Williams, Fferm Lower Court wedi cael ei dewis i chwarae un o'r prif rannau yn Sioe Gerdd yr Urdd yn yr Eisteddfod Genedlaethol ym Mae Caerdydd eleni.

Enw'r sioe yw 'Ffawd' ac mae Elin yn cymryd rhan Lleuwen sy'n gorfod delio â'r problemau sy'n wynebu pobl ifanc heddiw.

Mae Elin yn 18 oed ac yn ddisgybl yn Ysgol Bro Myrddin, ac yn gobeithio mynd i Goleg Prifysgol y Drindod i ddilyn cwrs perfformio.

Llongyfarchiadau i Elin a phob hwyl gyda'r sioe ac i'r dyfodol.