|
Mae Gavin yn enedigol o Rydfelen ac wedi cael ei addysg yn Ysgol Heol y Celyn ac Ysgol Gyfun Rhydfelen. Astudiodd ffilm a theledu ym Mhrifysgol Cymru Aberystwyth ac mae nawr yn athro yn Ysgol Gynradd Gymraeg Llwyncelyn ym Mhorth.
Ymaelododd â'r Urdd yn Ysgol Heol y Celyn a gydag anogaeth John Rees, y Prifathro, bu'n rhan o dîm fu'n cystadlu'n frwd yn Eisteddfodau'r Urdd.
Ymunodd â Dawnswyr Nantgarw ac ennill ym myd dawnsio gwerin a chlocsio. Roedd yn un o sylfaenwyr côr CFI yng Nghaerdydd ac mae' n canu gyda Pharti'r Efail ac wedi ennill y ddeuawd gerdd dant gyda Menna Tomos sawl gwaith.
Yn ddiweddar mae wedi sefydlu côr newydd yn ardal Pontypridd - Côr y Bout - er mwyn creu cyfleoedd cymdeithasol i oedolion ifanc ac i gefnogi Clwb y Bont.
 |
Ìý
