|
Ar brynhawn y 26ain o Fai cafodd Llywelyn Jones o Rosaeron gyngerdd anrhydeddus yn yr Eglwys Gadeiriol yn Nhy Ddewi yn dilyn ei lwyddiant yn y gystadleuaeth Cerddor Ifanc Dyfed 2007. Cyfansoddwyd darn ar ei gyfer i'r gyngerdd hon gan enillydd gystadleuaeth cyfansoddi yn 2007. Hyfryd oedd clywed fod nifer o'r teulu wedi mynd yno i'w gefnogi hyd yn oed bab'r teulu sef Ioan a Gwion wrth ei ymyl yn ei warchod.
Hefyd, cafodd Llywelyn lwyddiant yn Eisteddfod Genedlaethol yr Urdd yng Nghonwy eleni. Llwyddodd i gipio'r wobr gyntaf yn yr Unawd Telyn 15-19 oed, yn ennill tlws sydd yn agos at ei galon sef tlws coffa Gwen Heulyn.
Hwyrach yr un diwrnod, roedd Llywelyn yn ran o dim dawnsio gwerin ysgol Gyfun Aberaeron a enillodd y wobr gyntaf yn y gystadleuaeth Dawns Werin blynyddoedd 10-13 am y drydedd waith yn olynol.
 |
Ìý
