|
Mewn cyfweliad yn Nene esboniodd pam yr oedd hi am dalu'r holl gostau cyhoeddi a chyflwyno holl elw gwerthiant y gyfrol i Hosbis TÅ·'r Eos yn Wrecsam. Oddi ar hynny, mae Betty wedi cyhoeddi tair cyfrol arall, gan dalu am y costau argraffu a chyhoeddi a chyflwyno'r elw i gyd i'r Hosbis.
Yn dilyn ei chyfrol gyntaf dechreuodd lunio cyfres o dair stori yn adrodd hanes y prif gymeriad, Olwen: Olwen's Long Journey, ac Olwen's Life in China a bellach mae'r drydedd a'r olaf yn y gyfres ar fin cael ei lansio - Olwen's Return to Wales.
Mae'r gyfres o dair stori am Olwen yn digwydd rhwng 1925 a 1997 ac mae'r cyfan wedi golygu llawer o chwilota a gwaith ymchwil i ofalu bod holl ffeithiau cefndirol y cyfrolau'n gywir o ran daearyddiaeth a hanes. Nid ar chwarae bach mae mynd i'r afael â'r fath brosiect ac rydyn ni'n llongyfarch Betty nid yn unig am ei llafur ond hefyd am ei haelioni tuag at Hosbis Tŷ'r Eos.
Dymunwn bob llwyddiant i'r gyfrol sydd wedi'i chyflwyno i'w chwaer hynaf, Naomi Willington. Tynnwyd llun y clawr gan Geraint Wyn Jones.
Gellwch brynu'r gyfrol yn siopau'r Hosbis yn y Rhos, Wrecsam a Chefn Mawr, yn Siop Cartwright, Rhos, yn Siop y Siswrn ac yn y Llyfrgell
 |
Ìý
