Ö÷²¥´óÐã

Cafwyd cip olwg ar gylch bywyd cyplau amrywiol o blentyndod hyd at y daith olaf un. Gwelir y daith fel taith trên gan aros mewn gorsafoedd gwahanol yn ystod y daith. Yn aml aiff y cyplau trwy ddŵr a thân a chwestiynir ystyr cariad a ffyddlondeb.

Yr un yw'r problemau, yr un yw'r camgymeriadau, yr un yw'r wefr wrth ddelio â chariad ar hyd y canrifoedd ac mae'n siŵr y bydd pob unigolyn yn gallu uniaethu ag ambell orsaf ar y daith!

Nid pregethu moesoldeb nac awgrymu beth yw gwir gariad yw'r nod ond cyflwyno bywyd fel y mae ac yng ngeiriau y diweddar Dr. John Gwilym Jones pwysleisio mai 'rhyfedd y'n gwnaed'.

Roedd y sgript yn cynnwys addasiadau o ddeialogau amrywiol a gwaith byr-fyfyr. Defnyddiwyd nifer o ganeuon serch wedi eu cyfansoddi'n arbennig gan Emlyn Dole a Gwenda Owen fel cadwyn o amgylch y deialogau.

Bu perfformiadau yn Neuaddau Pontyberem a Chross Hands.