Ö÷²¥´óÐã

Mae'r gweinidog hynaws wedi treulio 62 o flynyddoedd yn yr ardal a gellid yn hawdd ychwanegu rhes o deitlau i roi darlun llawn ohono dros y blynyddoedd - Pregethwr, Ysgrifennydd a Chlerc Cyngor, garddwr, heddychwr, pleidiwr ac ymgyrchwr dros y Gymraeg.

Ar ben hyn oll mae'n selog gyda'r tîm sy'n plygu'r Arwydd yn fisol ac mae'n dosbarthu tua 100 rhifyn yn fisol yn ardal Cemaes. Yn wir mae'n cael ei adnabod gan rai fel Mr Arwydd.

Dyma ddethol ychydig o frawddegau o'r bennod ar Bregethwrs Môn trwy garedigrwydd ei gyd weinidog yng Nghemaes am 45 o'r blynyddoedd, y Parchedig Emlyn Richards :

"wedi'i fagu ym Mro'r Preselau ac, yn bwysig iawn, yn hannu o deulu enwog y Johnsiaid - teulu gyda gwreiddioldeb naturiol a rhyw lewder dihafal. Y glewder hwnnw a'i gyrrai ymlaen yn wyneb pob rhwystr".

"Edrych yma, os oedd yna gymhelliad o gwbwl i'r weinidogaeth, cymhelliad o'r tu fas ac nid o'r tu fewn oedd o."

"Taniwyd fflam yr heddychwr, nas diffoddwyd yn enaid Emlyn."

"cyfarfu â Gwyneth - merch o'r un anian ac yn rhannu'r un argyhoeddiadau cenedlaethol."

"bu Emlyn John fel lefain yn holl fywyd y gymdeithas ¬bod o wasanaeth cyffredinol i bawb, heb falio beth fyddai natur y gwasanaeth hwnnw - dyna ystyr ei weinidogaeth." "rhinwedd na flina Emlyn John eu canmol oedd 'dal ati' a bathodd y gair 'dalifyndrwydd."

"cafodd yr un argyhoeddiad ac angerdd eu trosglwyddo o un genhedlaeth i'r llall- mae'n amlwg ar y plant Eleri a Gwilym."