Ö÷²¥´óÐã

Mae'r elusen yma yn datblygu systemau i ddefnyddio pŵer yr haul i gynhyrchu trydan.

Gobeithia Gwyn a'i ddau gyd-deithiwr orffen y siwrnai mewn rhyw ddeng mis, a byddant yn ddiolchgar o unrhyw gyfraniad.

Defnyddir yr arian i gychwyn gwahanol fan gwmnïau i helpu'r trigolion.

Yn ystod oriau'r dydd y cynhyrchir y trydan, ac yna bydd yn cael ei gadw mewn batris a'i ddefnyddio unrhyw amser.

Mae'n bosib defnyddio'r trydan i wahanol amcanion fel pwmpio dŵr a chreu golau i'r plant gael addysg gyda'r nos, ar ôl gweithio ar y tir yn ystod y dydd.

Hefyd i weithio ffonau symudol a chyfrifiaduron yn ogystal a chreu oergelloedd i wahanol frechau a datrys rhai o broblemau iechyd y cyfandir.

Felly mae'r manteision i'r cyhoedd yn ddiderfyn.

Roedd paratoadau enfawr ymlaen cyn dechrau'r daith, yn arbennig trosglwyddo holl eitemau trydanol y cerbyd i weithio gyda ynni'r haul.

Byddant hefyd yn coginio a berwi dŵr gan ddefnyddio nerth yr haul, ac yn dangos bod y system yma o gynhyrchu trydan yn gweithio.

Felly dyma'r dyfodol i Affrica.

Efallai bod rhai o ddarllenwyr Yr Arwydd yn ardal Cerrigmân yn cofio Gwyn yn gyson ar gefn ei feic pan yn aros gyda taid a nain yn Tŷ Refail.

John Roberts