|
Dwi'n gobeithio fod y llu digwyddiadau gafwyd yn y dref wedi adlewyrchu hynny, a chodi ymwybyddiaeth ei bod hi'n bosib cael hwyl yn y Gymraeg. Fe ddaeth croesdoriad eang o'r gymdeithas at ei gilydd yn ystod yr wythnos ac os caf i, Haf Wyn, fel Swyddog Datblygu yn y dref, fe hoffwn ddiolch i drigolion Amlwch a'r fro am eu parodrwydd i helpu.
Mae'n bwysig ein bod ni Gymry Cymraeg yn cychwyn bob sgwrs yn Gymraeg yn yr ardal yma a thu hwnt, a chario 'mlaen hefo'r sgwrs, fe synnech chi faint o bobl sydd yn medru'r Gymraeg ond am wahanol resymau wedi arfer peidio â gwneud hynny.
Yn ystod yr wythnos cefais sgwrs gyda'r Parchedig Stephen Roe o Amlwch, sydd i'w longyfarch ar ddysgu'r Gymraeg mewn amser byr, ac sydd bellach yn pregethu trwy gyfrwng yr iaith yn rhwydd. Roedd ganddo sawl cyngor i ni Gymry Cymraeg ar sut i ddelio a dysgwyr. Dyma nhw i chi:
Rhai sylwadau rhagarweiniol:
Os ydych chi'n ymwybodol bod rhywun yn dysgu Cymraeg, mi fedrwch chi ragdybio eu bod nhw'n awyddus i'w hymarfer.Y broblem fwyaf i ddysgwr ydy cael cyfleoedd i ddefnyddio'r iaith
y tu allan i'r dosbarth.Rydych chi'n siarad Saesneg yn well na'r dysgwr/aig yn siarad
Cymraeg. Felly chi sy'n dewis yr iaith rydych chi'n ei defnyddio gyda'ch gilyddMae hyder yn hollbwysig. Bob tro mae dysgwr/aig yn defnyddio Cymraeg yn llwyddiannus maen nhw'n cael ychydig mwy o hyder.
Sut i annog dysgwyr - rhai awgrymiadau:
Dechreuwch bob sgwrs yn Gymraeg.Parhewch yn Gymraeg mor hir â phosib.Bydd y dysgwr/aig yn methu â' ch deall chi o dro i dro. Pan ddigwyddith hyn:
* Ailddywedwch yr hyn ddywedoch chi.
* Siaradwch yn arafach.
* Ynganwch bob gair yn llawn (e.e. 'dw i ddim wedi' nid
'dwimdi').
* Ceisiwch ddefnyddio geiriau gwahanol i ddweud yr un peth.
* Defnyddiwch arwyddion syml
* Os oes rhaid, defnyddiwch cyn lleied o Saesneg ag sydd modd, wedyn trowch yn ôl i'r Gymraeg.
Mae pawb yn deall mwy na mae nhw'n gallu ei ddweud. Mae hi'n hollol bosibl cael sgwrs pan mae un person yn siarad yn Gymraeg yn bennaf, a'r llall yn Saesneg.Gorffennwch bob sgwrs yn Gymraeg.
Yr hyn ddylech chi ddim ei ddweud:
Mae Cymraeg yn iaith mor anodd i'w dysgu.
Mae gynnoch chi lawer i'w ddysgu eto.
 |
Ìý
