主播大秀

Wallace and Gromit - The Curse Of The Were-Rabbit
Cadernid traed o glai





Y s锚r
Lleisiau Peter Sallis, Ralph Fiennes, Helena Bonham Carter, Peter Kay a Nicholas Smith

Cyfarwyddo
Nick Park a Steve Box

Sgrifennu
Bob Baker, Steve Box, Mark Burton, Nick Park

Hyd
85 munud

Sut ffilm
Ffilm a fydd wrth fodd calon y rhai hynny a fwynhaodd A Close Shave, The Wrong Trousers, Chicken Run ac sy'n dotio at greadigaethau clai hyfryd Creature Comforts.

Y stori
Yn dal i wisgo'i fest rwyd ac yn dal i sglaffio caws mae Wallace (Peter Sallis) erbyn hyn yn rhedeg cwmni atal pl芒u, Anti-Pesto, gyda'i gi ffyddlon, Gromit, yn fwy na chymorth hawdd ei gael mewn cyfyngder.

Yn wir, er mai Wallace ydi'r dyfeisydd yn y bartneriaeth Gromit ydi'r br锚ns go iawn.

Ar drothwy'r sioe lysiau leol mae Anti-Pesto'n brysurach nag erioed yn amddiffyn llysiau'r trigolion rhag pla o gwningod rheibus.

Mor effeithiol y ddeuawd maen nhw'n cael eu cyflogi gan wraig y plas, Lady Tottingham (Helena Bonham Carter), sydd wrth ei bodd 芒'u dull caredig o gael gwared 芒'r cwningod trwy eu sugno o'u twnelau gyda'r Bun-Vac 6000 a ddyfeisiwyd gan Wallace fel y gellid eu cadw'n fyw mewn cewyll yn ei gartref wedyn.

Fodd bynnag, wedi i arbrawf i ail-ffurfio meddwl cwningen gydag un arall o'i ddyfeisiadau - y Mind-O-Matic - fynd o chwith mae Wallace yn creu anghenfil o gwningen sy'n troi liw nos yn Were-rabbit rheibus.

Yr her yn awr yw dofi'r gwningen erchyll hon.

Yn gefndir i hyn mae stori garu gyda Lady Tottingham ei hun wedi ymserchu yn Wallace er mawr ofid i'r seimllyd Victor Quartermaine (Ralph Fiennes) sydd wedi mopio'n llwyr 芒 hi.

Y canlyniad
Cymeriadau clai sy'n fwy hwyliog ac yn ddifyrrach na sawl actor o gig a gwaed.

Mae yma gybolfa hyfryd o gyfeiriadau at ffilmiau eraill fel The Wolf Man, Frankenstein a King Kong lle mae parodi gyflawn o'r bwystfil hwnnw yn dringo tyrau'r ddinas a'r awyres yn ei law!

Mae ymladdfa dogfight gyda Gromit - wrth gwrs, mewn dogfight - yn hedfan fel y Red Baron.

Mae yna hyd yn oed gandi-flos yn cael ei sgubo gan yr awel fel y tumble-weed, a fu mor ddefnyddiol i Hollywood dros y blynyddoedd.

Ond nid oes angen gwybodaeth drwyadl o fyd ffilm i werthfawrogi'r gymysgedd hyfryd o naws comed茂au Ealing a ffilmiau dychryn Hammer.

Y darnau gorau
Mae yna gymaint ohonyn nhw:

Ychwanegwch eich sylwadau i'r dudalen fan hyn: Enw a lleoliad: Sylw: Mae'r 主播大秀 yn cadw'r hawl i ddewis a golygu sylwadau. Darllenwch sut i wneud y siwr caiff eich sylwadau eu cyhoeddi. I anfon cyfraniad mwy, cysylltwch 脙垄 ni.